ڪوئو (ريتيولو هيڊو)

ريتيلو هيڊو ڪوئو Sand – coloured Rat / Millaradia gleadowi /
هن ڪوئي جي پُٺي پٿريلي هيڊي ۽ پيٽ اڇو ٿئي ٿو. ساڳي طرح هلڪي بج وارو پڇ به مٿان ناسي ۽ هيٺان اڇو هوندو آهي. ٻُوڙن جي پاڙن ۾ عام سادا ۽ گهٽ اونها ٻِـر ٺاهيندو آهي جنهن کي ٻه لنگهه هوندا آهن. ان ٻر جو هڪ پاسو لاهي دار ۽ ٻيو اُڀو هوندو آهي جيڪو گاهه سان بند هوندو آهي. هي ڪوئو اَن ۽ سايون پاڙون کائيندو آهي. پاڻي ڪونه پيئي. مادي عام طور تي ٽن کان پنج ٻچا ڏيندي آهي. هي ماحول : 6 جو مماليه آهي.