ڪوئو (گھريلو)

گهريلو ڪوئو/ House Rat / Rattus rattus

ڪوئو (گھريلو)


هن ڪوئي جي پُٺي گهري سرمائي ۽ پيٽ ڪجهه هلڪو سرمائي هوندو آهي. پڇ ڊگهو کهرو ۽ اگهاڙو اٿس. مٿيون چپُ وِرڇيل، ڪَن گول ۽ وارن کانسواءِ اٿس. گهرن ۾، اناج جي گودامن، دڪانن، ڀانڊن يا انهن جي ڀر پاسي ۾ رهندو آهي. رات جو نڪرندو آهي پر اونداهن ڪمرن ۾ ڏينهن جو به ڪارروايون ڪندو رهندو آهي. ان جو پيشاب کاڌ خوراڪ جي شين تي پوڻ سبب موتمار بيماري Salmonella پکڙجي ٿي. اهو پليگ يا طائون جا جيوڙا به پکيڙي سگهي ٿو. جسم تي موجود ڪارڙن (flees) جي ذريعي اهي ’ڪارڙا‘ ، rabies, trichinosis, scrublyphus به پکيڙي سگهن ٿا.
هي ڪوئو اُڀن وڻن تي به چڙهي ويندو آهي ۽ ميون کي نقصان پهچائيندو آهي. تِمر جي وڻن ۾ به آکيرو ٺاهي ٿو، سال ۾ ڇهه ست يا وڌيڪ ٻچا ڄڻي ٿو. هي ماحول : 6 جو مماليه آهي.