0000-00-00
داخلا نمبر 1471
عنوان ڪوٽيرو رجب باريجو (پٿري دائرو)
شاخ محال ڪوهستان
پڙهيو ويو 5507
داخلا جو حوالو:
هن داخلا جون تصويرون نه مليون
ڪوٽيرو رجب باريجو (پٿري دائرو)
ڳوٺ قاسم باريجي کي ويجهو ئي، رجب باريجي کان ڏکڻ ۾ اڌ ڪلوميٽر تي گولائيءَ ۾ هڪ ڪوٽيرو ۽ گڏ هڪ ’صحابو‘ هو ، جنهن تي گلابي پَـڙ پيو هو. مقامي ماڻهو عام طور تي قديم آثارن جي هر ماڳ کي ’ڪوٽيرو‘ سڏين ٿا، پوءِ کڻي اهو وصفن ۾ ڪوٽيرو هجي يا نه هجي.
هي ڪوٽيرو ڪونه هو. هي پٿر هئا جيڪي گولائي ۾ کتل هئا. هن ماڳ جو قطر 3.70 ميٽرهو، ۽ صحابو ڪجهه ان ريت هو جو اهو به پٿري دائرو محسوس پئي ٿيو. ان حصي ۾ گهٽ ٻه گهٽ پنج ڇهه وڏا پٿر گولائيءَ ۾ کتل هئا ۽ وچ ۾ قبر هئي. اصل ڪوٽيرو جنهن کي ’سَندَ‘ ٿي چيائون، ڪجهه پرڀرو هو.