ابڙو اڪيڊمي Abro Academy
2020-11-05
داخلا نمبر 1038
عنوان ڪوڙ ۽ منظم پرچار جو ٽوڙ ڇاهي؟
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1161
داخلا جو حوالو:
هن داخلا جون تصويرون نه مليون
ڪوڙ ۽ منظم پرچار جو ٽوڙ ڇاهي؟
سچ کي چؤسول تي سنگسار ڪيو پيو وڃي ۽ سنڌ جا بي وس ماڻهو اهو منظر ايئن ڏسي رهيا آهن جيئن 2 هزار سال اڳ يروشلم جا ماڻهو حضرت عيسيٰ کي پٺن تي صليب کڻي ان ميدان ڏانهن ويندو ڏسي رهيا هئا جتي کيس صليب تي چڙهڻو هو.
ايم ڪيو ايم بين الاقوامي سطح تي ”مهاجرن تي ظلمن جي خلاف احتجاج جو عالمي هفتو“ شروع ڪيو اهي. 11 سيپٽمبر تي لنڊن ۾ پاڪستاني هاءِ ڪمشنر جي جاءِ تي ”مهاجرن“ مظاهرو ڪيو، بينظير حڪومت خلاف نعرا هنيا ۽ اعلان ڪيو ته حڪومت جي ”ظلمن“ خلاف سڄي دنيا کي آگاهه ڪيو ويندو. حڪومت پاڪستان ۽ سنڌ جا ماڻهو ڀلي ته ان ”آگاهه ڪرڻ“ واري عمل کي گمراهه ڪرڻ جي مهم سڏين، ان سان فرق انڪري نٿو پوي ته ٻنهي صورتن ۾ نتيجو ساڳيو ئي نڪرڻو آهي، خاص ڪري انڪري ته متاثر ٿيندڙ ڌر وٽ ان جو ٽوڙ ڪرڻ جي صلاحيت ڪو نه آهي.
ايم ڪيو ايم نه رڳو عالمي احتجاجي هفتو شروع ڪيو آهي پر تمام منظم نموني شروع ڪيو اهي. جڏهن ڪا مهم منظم هوندي ته اها نتيجا به ڏيندي آهي. جڏهن نتيجا ايندا آهن ته تنظيم جون پاڙون وڌيڪ گهريون ٿينديون آهن. تحريڪون ۽ مهمون ته پاڪستان ۾ ٻين به گهڻيون هلايون ۽ وڏو هل رهيو ته جماعت اسلامي ۽ کاٻي ڌر وٽ زبردست تنظيم آهي پر اهي ڳالهيون وقت سان بدلجي ويون. هاڻي سيٽلائيٽ سياست هلي پئي آهي ۽ ايم ڪيو ايم آوازي ۽ تصويري لهرن کي پنهنجي تنظيم ۽ سياست لاءِ سواري بڻايو آهي، نه ڪنهن کي قلم 144 جي پرواهه آهي ۽ نه وري ڇاپا هڻندڙ ادارا آواز ۽ تصوير جي لهرن تي ڇاپا هڻي سگهن ٿا.
هر ان ماڻهوءَ لاءِ، جيڪو جمهوري، قومي ۽ امن امان واري صورتحال تي ڳڻتيءَ ۾ آهي، ضروري آهي ته اهو ڏسي عالمي سطح تي ڪوڙ کي سچ ثابت ڪرڻ لاءِ احتجاجي مهم ڪيئن هلائي پئي وڃي. ٿي سگهي ٿو ته امن جون قوتون انهن کان کان ئي ڪو سبق وٺن جن سان ٽڪراءَ ۾ آهن. پنهنجو ٻوٽو ته ڪنهن به نه ٻاريو!
ايم ڪيو ايم پرڏيهه ۾ احتجاجي هفتي هلائڻ جو باقاعدي اعلان هفتو کن اڳ ڪيو ۽ ان هفتي اندر اخبارن ۽ ريڊين تان ان اعلان جي بار بار تشهير ڪئي، ايستائين جو ملڪ جي هڪ هڪ ماڻهوءَ ۽ پرڏيهي ملڪن جي انهن لابين تائين اهو اطلاع پهتو جيڪي پاڪستان جي اندروني معاملن تي اثر انداز ٿي سگهن ٿيون. 11 سيپٽمبر تي لنڊن مان معاملو مچايو ويو جتي جنوني گگهه ڳاريندڙ تنظيم جو اڳواڻ پنهنجو هيڊ ڪوارٽر ٺاهي ويٺو آهي.
ان کان اڳ پرڏيهه ۾ ملڪ، حڪومت ۽ فوج جي خلاف پوسٽر ڇاپي ورهايا ويا جن ۾ وزيراعظم ۽ فوج تي ظلم ۽ قانون جي ڀڃڪڙين جا الزام هنيا ويا. ان پمفليٽ جا پڙاڏا سنڌ اسيمبليءَ مان به اٿيا ۽ وڏي وزير عبدالله شاهه اهي پوسٽر ايوان ۾ ڏيکاريندي چيو ته ”الطاف گروپ رياست ۽ آئين جي خلاف بغاوت ڪئي اهي ۽ هو آئين جي فقري 5 هيٺ پرڏيهه ۾ رياست کي بدنام ڪرڻ جو ڏوهاري ٿيو آهي.“
ان عالمي احتجاج ۾ ايم ڪيو ايم ”مهاجر خواتين جي بي حرمتي“ کي سڀ کان وڌيڪ اهميت سان پيش ڪيو ته جيئن ”مظلوميت جي انتها“ نظر اچي. ظاهر آهي ته عالمي شعور تائين اڃا اهي اطلاع نه پهتا آهن ته ايم ڪيو ايم عورتن کي دهشتگرديءَ وارين ڪاررواين ۾ ڪيئن استعمال ڪري رهي آهي؟ عورت ۽ ٻار هونئن به ڏاڍو جذباتي مسئلو هوندا آهن جن جي بنياد تي همدرديون هڪدم حاصل ڪري سگهجن ٿيون. دنيا جو ڌيان ڇڪاڻ ۽ تنظيم ڪاريءَ جو احساس ڏيارڻ لاءِ ايم ڪيو ايم ”احتجاج جي عالمي هفتي“ جي موقعي تي خاص ٽي شرٽ تيار ڪرايون آهن جيڪي پائي مظاهرو ڪيو وڃي ٿو.
11 سيپٽمبر واري ان مظاهري ۾ جيڪو ايم ڪيو ايم جي انٽرنيشنل سيڪريٽريٽ کان شروع ٿيو، سنڌ اسيمبليءَ جي انهن رڪنن کان تقريرون ڪرايون ويون جيڪي ايوان ڇڏي لنڊن ويا اهن. هنن اتي دعوا ڪئي ته ”مهاجر 22 ملين آهن جن تي ظلم پيو ٿئي ۽ مهاجرن جي آبادين جو گهيراءُ پيو هئي.“ هنن بينظير حڪومت کي فاشسٽ ۽ نسل پرست سڏيندي مهاجر عورتن تي ظلم جي جذباتي منظر ڪشي ڪئي. ”مظلوم مهاجر عورتن کي گرفتار ڪري مٿن بدترين تشدد ڪيو وڃي ٿو، سندن وارپٽيا وڃن ٿا، زيور لاٿا وڃن ٿا ۽ جڏهن درندگي وڌي وڃي ٿي، تڏهن سندن عصمت تار تار ڪئي وڃي ٿي.“ ماڻهن جا جذبا ان ريت ڀڙڪايا ويا.
ساڳي تاريخ تي برطانيا ۾ رهندڙ ”برطانوي وزيراعظم جان ميجر کي هڪ خط لکي ”ٻه ڪروڙ ويهه لک مظلوم مهاجرن“ جو ڪيس پيش ڪيو ۽ چيو ته ”پيپلز پارٽيءَ جي حڪومت ڪراچي ۽ حيدرآباد ۾ رهندڙ ملڪ جي سڀ کان وڏي نسلي اقليت جي مقبوليت کان ڊڄي وڏا قهر ڪيا آهن. قيد ۾ وڌل ماڻهن جون اکيون ڪڍيون ويون آهن، سندن ڪن ڪٽيا ويا آهن ۽ جسم جي نازڪ حصن تي ڊرل مشينن سان سوراخ ڪيا آهن، عورتن جي اجتماعي طور لڄ لٽي وئي آهي.“ هنن، انهن ئي نشرياتي ادارن جي رپورٽن کي شاهديءَ طور پيش ڪيو جيڪي سندن هڪ طرفو موقف ڏيڻ سبب اڳ ئي بدنام آهن. خط ۾ جان ميجر کي پنهنجو اثر رسوخ هلائي ”مهاجرن“ کي حق ڏيارڻ جي اپيل ڪئي وئي.
مظاهرو ڪندڙن جيڪي وڏي جوش وچان جيڪي نعرا هنيا، انهن مان به ان ذهني ڪيفيت ۽ ارادن جو احساس ٿئي ٿو جيڪي ايم ڪيو ايم جي ٽارگيٽ ۾ شامل آن. نعرا لڳا، مهاجرن جي دل جو چين، الطاف حسين،“ ، ”ڪلهه به ڀٽو قاتل هو، اڄ به ڀٽو قاتل آهي.“ ”مهاجرن جي نسل ڪشي بند ڪريو، مهاجرن جو قتل عام بند ڪريو“، ”قوت ئي قوت مهاجر، طاقت ئي طاقت مهاجر“ ”جنگي ڏوهاري بينظير، جنگي ڏوهاري نصيرالله بابر“ نعرن ۾ وزيراعظم کي ڪاسائي، قاتل ۽ دهشتگرد به چيو ويو. سياسي مبصر ڪنهن به تحريڪ ۽ مهم جو رخ انهن نعرن مان جاچيندا آهن جيڪي تنظيم هڻائيندي آهي. مٿيان نعرا پڙهندڙن کي پسند نه ايندا پر اهي انڪري ٻڌڻا پون ٿا جو اهي هنيا پيا وڃن ۽ انهن مان ئي ايم ڪيو ايم جي ارادن جو پتو پوي ٿو.
نعرا ثابت ٿا ڪن ته دهشتگرديءَ خلاف هلندڙ آپريشن ايم ڪيو ايم کي سوڙهو ڪري ڇڏيو آهي ۽ ڳالهين جي ميز تي وٽن ڪو به دليل باقي نه آهي. ان ڪري هاڻي ايم ڪيو ايم ملڪ کان ٻاهر نڪري حڪومت کي سفارتي سطح تي ڪمزور ڪرڻ جي رٿابندي ڪئي آهي ۽ ”قوت ئي قوت، مهاجر“ وارو نعرو ”مهاجرن“ کي حوصلو ڏيارڻ ۽ نئين ويڙهه لاءِ اڀارڻ خاطر ڏنو ويو آهي. انهن نعرن ۾ اهڙو ڪو به نعرو ڪو نه آهي جنهن ۾ مسئلي جو حل ٻڌايو ويو هجي! سڀ نعرا ”مهاجر طاقت“ کان شروع ٿي الطاف حسين جو طواف ڪري ”مهاجر مظلوم!“ تي ختم ٿين ٿا. هي به عجيب تضاد آهي ته جيڪي پاڻ کي مظلوم ٿا سڏين اهي پاڻ کي ”طاقت ئي طاقت“ به چون ٿا. لنڊن ۾ احتجاج جي موقعي تي عالمي ميڊيا جي عيوضين کي سڏايو ويو ۽ کين انهن ماڻهن تي ظلمن جا داستان ٻڌايا ويا جيڪي پاڪستان ۾ دهشتگردن جي حيثيت ۾ ڄاتا سڃاتا وڃن ٿا.
ان احتجاجي مظاهري لاءِ ايم ڪيو ايم مانيٽرنگ سيل قائم ڪيو، جنهن جون خاص ٽيمون هر وقت سترهن مرڪزن جا دورا ڪري انتظامن جو جائزو وٺنديون رهيون. اهي نگراني، خوراڪ پهچائڻ، ٽرانسپورٽ، وڊيو فلمون ٺاهڻ ۽ پمفليٽ ڇپائڻ ۽ ورهائڻ لاءِ ذميوار هيون ته جيئن ڪو ب