گل حسن ڪلمتي

�ي ۽ دهشت گرديءَ ۾ ٻڏل سياست تي نٿو ڳالهائڻ چاهيان، پر ڇا ڪريان جو ڪراچي سنڌ جو حال، ماضي ۽ مستقبل آهي. هيءَ اسان جي ڏکندڙ رڳ آهي، اسان جي ترقيءَ جو فطري رستو آهي، ۽ اسان جي ساهن ۾ آهي. ڪراچيءَ سان اسان جو تعلق ٽٽڻ، اسان جي ساهه جِي تار جو ٽٽڻ آهي.
هاڻي، گُل حسن جو نئون ڪتاب ”ڪراچيءَ جا لافاني ڪردار“ اسان جي هٿن ۾ آهي. گل حسن کي هن ڪتاب تي ڪامياب محنت جي به مبارڪ هجي. هڪ هڪ صفحو پڙهي ڏسو ته ڪراچي ڪنهن ٺاهي، ان لاءِ ڪنهن رت ۽ ست ڏنو؟ ۽ ڪنهن معاشي طور حصو ڏنو؟ ۽ توهان اڄوڪيون اخبارون پڙهو ۽ سوچيو ته پُراڻي ڪراچي ڪيئن تباهه ٿي۽ سڪون ڪيئن ختم ٿي ويو؟ ٺاهڻ ۽ ڊاهڻ جي عمل ۾ يقيناً ساڳي ڌر شامل نه هوندي آهي. جيڪو ٺاهيندو آهي، سو ڊاهيندو ناهي. افسوس ! ڪراچي به دنيا جي ٻين سامونڊي شهرن وانگر مافيائن جو گهر ٿي ويو آهي.
ڪراچيءَ جا لافاني ڪردار لکي گُل حسن اسان تي هڪ ٻيو احسان ڪيو آهي، ۽ ڪراچيءَ ڪيس جو ڄڻ ته هڪ ضميمو داخل ڪيو آهي ته ڏسو ڪراچيءَ جا اڏيندڙ ڪير آهن. ڪاش ڪو ڪراچيءَ کي ڊاهيندڙن جي لسٽ ۽ انهن جا ڪرتوت به لکي سگهي. اهو به هڪ اهم ضميمو ٿي سگهي ٿو.
مورڙيي ميربحر کان وٺي قادو مڪراني، جمشيد نسروانجي، ارد شير هرسجي ماما، مولانا محمد صادق کڏي وارو، هاشم گزدر، مير چاڪر خان ڪلمتي، رام دين پانڊي، ديوان ٽهلرام، اوڌارام مولچند ... ... هڪ ڊگهي قطار ..... هي ته اڃا ڀاڱو پهريون آهي، پهرين پنهنجن جي ڳالهه پوري ٿئي ته پوءِ گل حسن جَدگالن جي ڳالهه کڻي!