ابڙو اڪيڊمي Abro Academy
2020-11-04
داخلا نمبر 981
عنوان گورک جي نباتات
شاخ منڇر گورک گاج دنيا
پڙهيو ويو 1371
داخلا جو حوالو:
هن داخلا جون تصويرون نه مليون
گورک جي نباتات
گورک جي ڏنڊ ٿڌي آهي انڪري اتي اهي ٻوٽا وڌيڪ خوش رهن ٿا جن ۾ ٿڌ جي سهپ آهي. ڪي ٻوٽا هيٺاهين ماٿرين به ٿين ٿا پر اهي جبل جي چوٽ تي وڌيڪ صحتمند آهن. سبب فقط اهو آهي ته هيٺاهيون خشڪ ۽ گرم آهن پر گورک جي ٿڌي چوٽيءَ تي پوندڙ ماڪ جبل جي سطح تي نميءَ جو تهه ڇڏي ٿي جيڪو زمين ۾ جذب ٿئي ٿو. اها نمي ٻوٽن لاءِ حيات بخش آهي. ڦيش، جيڪو هيٺاهين ماٿرين ۾ ننڍڙو ۽ ڪمزور ٿئي ٿو، مٿي چوٽيءَ تي ڪافي مضبوط ۽ نسبتاََ قداور هوندو آهي.
گورک ڪا ساوڪ ڀري جڳهه ڪونه آهي پر هڪ فرحت بخش اوچائي آهي جتي دنيا جو شور غُل ڪونه آهي، پُرسڪون خاموشي ۽ نظارن سان گڏ وڻندڙ ٿڌڪار به آهي.
هن ڀيري اسان پڪ ڪري نڪتاسون ته لَڪ کلي چڪو آهي، پر کاوَل لَڪ واريون آخري ٻه چاڙهيون اڄ به عذاب کان گهٽ نه هيون. مٿي لَڪ تي پهتاسون ته اهو ڦاٽڪ بند هو. هڪ ٻئي پٺيان چار گاڏيون ڦاٿيون پيون هيون، ٽي پِڪ اپ ۽ هڪ ٽريڪٽر ... گاڏيون نه اڳتي وڌي پئي سگهيون ۽ نه پوئتي هٽي ٿي سگهيون، ڪي ڇِپون وچ تي ڊٺيون پيون هيون ۽ مزدور انهن کي هٽائڻ جا جتن ڪري رهيا هئا. ڪلاڪ کن اسان به سُڪ ٿي وياسون.
خدا خدا ڪري پٿر سوريا ويا، گاڏين ۾ چُر پُر ٿي ۽ اسان ڦاٽڪ اڪري گورک چوٽيءَ تي پهتاسون.
هتي ڪي صنوبري وڻ ڪو نه آهن، نه چِيڙ نه سَرو، نه سفيدو ۽ نه وري ان قسم جي ڪنهن ٻي جنس جو ٻج آهي. البت هتي، ٿرهارو ڪَهُو ۽ ڦيش جام آهي. بادام ۽ هنجير به ڪٿي ڪٿي نظر اچن ٿا. کيرٿر جي ڏنڊ تي وڻوهه، پنير به ٿئي ٿو.