گَـڊُ

گَـڊُ Urial, Asian Wild Sheep-Ovis vignei -



گڊ معنيٰ جابلو گهيٽو، جيڪو اڃا تائين پالتو ٿي نه سگهيو آهي. ھيءُ کيرٿر جي سونھن آھي. گَڊ جو قد ڪلھن تائين 27 انچ، وزن 50 کان 60 ڪلو گرام ھوندو آھي. سڱ 25 کان 29 انچ ۽ خوبصورت وڪڙ دار ٿين ٿا، ان ۾ کَٻ کٻ هوندا آهن. مادي گڊ جا سِڱ ننڍا ٿين ٿا. پُڇ ننڍو تقريباّ 4 انچ ھوندو اٿن. نر ٻَٺَ جا سڱ عمر سان وڌن ٿا. ان جو رنگ ناسي اوٺي ٿئي ٿو ۽ پيٽ اڇڙو هوندو آهي. گڊ جي ڪنڌ جا وار ڪارا ٿين ٿا. جبلن ۾ نسبتاّ گهٽ ڏُکين جاين تي رهي ٿو، صبح ۽ شام جو چَرڻ لاءِ نڪري ٿو ۽ اونهاري ۾ جبلن جي لاهين تي گذاري ٿو. جيڪي اونهاري ۾ ٿڌيون ۽ سياري ۾ گرم ٿين ٿيون. کيرٿر ۾ گڊ جي لڳ جي مند جولاءِ ۾ شروع ٿئي ٿي. ان وقت نر مستيءَ ۾ اچي مادين لاءِ هڪٻئي سان وڙهن ٿا. ان ويڙهه ۾ هُـو آمهون سامهون مٿو ٽڪرائي هڪٻئي کي زير ڪرڻ جي ڪوشش ڪندا آهن.

ٻَٺن جي مند جنوري فيبروريءَ ۾ ٿئي ٿي. ٻَچو ڄَمڻ کان پوءِ چند ڪلاڪن اندر ماءُ جي پويان هلڻ ۽ ڊوڙڻ جهڙو ٿي پوي ٿو. گڊ ماحول :1 جي زڙدن کان ھيٺ ۽ بن واري علائقي ۾ رھي ٿو.