ابڙو اڪيڊمي Abro Academy
2020-11-06
داخلا نمبر 1191
عنوان ڳالهه، طاقت جي نشي جي آهي
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1183
داخلا جو حوالو:
هن داخلا جون تصويرون نه مليون
ديءَ جو نشو هو ۽ ورديءَ جي نشي کان وڌيڪ ”اقتدار جي حمايت“ جو نشو هو. ڇا ڪمدار ايس ايڇ او کي اهو به ٻڌائڻو پوندو ته مٺي وڃڻ لاءِ ڪنهن کي ويزا وٺڻ جي ضرورت نه آهي ۽ نه وري ٿاڻيدار کي اهو اختيار آهي ته هو ڪنهن شهري کي مٺي اچڻ کان صرف ان ڪري روڪي ته هو زخمي صحافين ۽ مٺيءَ جي شهرين کان احوال وٺڻ آيا هجن! ڳالهه فقط نشي جي آهي ۽ افسوس آهي ته عوامي حڪومت جا ”عوامي عيوضي“ جيڪي ڪالهه تائين جبر جي خلاف وڙهندا هئا، هاڻي پاڻ ”جبر جي قوت“ بڻجي ويا آهن ۽ سڀني جابر طبقن سان اتحاد ڪري پنهنجو طبقو بدلائي ڇڏيو اٿائون. ان کان وڌيڪ افسوس جي ڳالهه هيءَ آهي ته عوام جي طاقت سان عوامي طبقي مان کڄي پارليامينٽ تائين پهچايل ماڻهو ”ارباب“ ٿي ويهي رهيو آهي ۽ پريس ڪلب تي حملو ڪرائي ٿو. مسٽر فلاڻي پريس ڪلب کي ڪجهه سمجهي يا نه سمجهي، اها مٺيءَ ۾ عوامي پارليامينٽ جي لوڪل آفيس آهي.جيڪو پارليامينٽيرين پارليامينٽ ۾ لٺيون هلائي، اهو عوامي نمائندگيءَ جي ڪيترو لائق آهي؟ اهو فيصلو اسان پيپلز پارٽيءَ جي قيادت ۽ عوام تي ڇڏيون ٿا ۽ اهو مطالبو جائز ٿا سمجهون ته ان واقعي جي ايف آءِ آر ڪٽائي وڃي، جيڪا اڃا تائين مسٽر ملاڻيءَ جي ڪمدار نه ڪاٽي آهي.