ڳوهه

ڳوهه Bengal or Indian Monitor Lizard / Varanus bengalensis /

ڪِرڙيءَ جي نسل جو هي هڪ وڏو ڪِرڙانگ آهي، منهن ڊگهو ۽ نوڪدار، ڳچي ڊگهي، جسم ٿلهو ۽ ڊگهو ھوندو اٿس. ڊگهو پڇ، زبان ٻه ڦاڪِي ۽ رنگ گـهرو سرمائي ڪارو ٿئيس ٿو.
ڳوهه ڏينهن جي وقت ۾ شڪار لاءِ نڪرندي آهي ۽ زبان ٻاهر ڪڍي شڪار جي جسم جي گرميءَ تي ان کي ڳوليندي آهي ڇو ته اھا حِس وڌيڪ ڪارائتي اٿس. ڳوھه شڪار لاءِ اک جو استعمال به ڪندي آهي. جيت، ڪوئا، پکي، نانگ، ڏيڏر وغيره کائيندي آهي. ڳوهه وڻن تي چڙهي آکيرن مان آنا به کڻي ويندي آهي ته پاڻيءَ ۾ مڇيءَ جو شڪار به ڪندي آهي. اها جيڪڏهن پنهنجي ڏرڙ ۾ گهڙي وڃي ته ان کي ڇِڪي ٻاهر ڪڍڻ تمام ڏکيو ٿي پوندو آهي ڇو ته اها پنهنجو جسم اڃا به ويڪرو ڪري ڇڏيندي آهي ۽ چنبن سان زمين وغيره کي چنبڙي پوندي آهي. هي طاقتور ڪِرڙانگ ماحول : 3 ۾ رهندو آهي.