ابڙو اڪيڊمي Abro Academy
2020-11-06
داخلا نمبر 1280
عنوان ”خبيث چڪر“ ۾ ڦاٿل عوام ۽ سگا
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1226
داخلا جو حوالو:
هن داخلا جون تصويرون نه مليون
جي ڀارت وٽ ”مهمان“ ٿيا هئا ته ڀارت جهڙو ملڪ انهن جي راشن پاڻيءَ ۾ ڪڪ ٿي ويو هو، هي ته30 لک ماڻهن جي چٽي آهي، اهي ماڻهو گوشت، ڀاڄيون خريد ڪري مارڪيٽ ۾ موجود طلب ۽ رسد جو توازن ڊاهي مهانگائي وڌائڻ جو ڪارڻ ٿي رهيا آهن، جاين جون قيمتون مسواڙون وڌي رهيون اهن. اهي سڀ شهري مسئلا پاڪستان جي وزارت داخله جي سالن کان ناقص ڪارڪردگيءَ سبب پاڙيسري ملڪن مان سمگل ٿيا آهن. اهو ”محض تاريخي حادثو“ ڪو نه آهي جو سنڌ ڏانهن وڏي لڏ پلاڻ ٿي رهي آهي ۽ حڪومت ان کي روڪڻ جي ڪوشش ڪو نه پئي ڪري! اسان کي هن سڄي عمل ۾ رٿابندي نظر ٿي اچي، پاڪستان ته هڪ وڏو معاشي بار۽ سياسي بيچينيءَ جي مستقل جواز قائم رهڻ جي رٿابندي.
سگا پنهنجن انگن اکرن ۾ چوي ٿي ته سنڌ ۾ 10 هزار اسڪول عمارتن کان وانجهيل آهن. ساڍن يارنهن هزارن کان مٿي اسڪولن جون عمارتون زبون آهن. 15 هزار اسڪولن جي اسٽاف کي تربيت ڪو نه آهي. 3007 اسپتالون موجود آهن پر عام ماڻهوءَ کي علاج جي سهوليت ڪونهي. اسپتالن جي صورتحال اها آهي ته انهن ۾ هر 318394 ماڻهن لاءِ فقط هڪ بسترو آهي. ڀلي ته اسان ايئن چئون ته اهي سڀ جدا جدا مسئلا آهن، ڀلا! نگرپارڪر جي اسپتال ۾ نانگ جي چڪ سان مرندڙ ڪنهن ريٻاڙي يا ڀيل جو ان افغان سان ڪهڙو واسطو جيڪو ڪابل قنڌار کان ڪهي ڪراچيءَ ۾ هٿيار ۽ هيروئن وڪڻي رهيو آهي يا رڪشا هلائي رهيو آهي؟ هيءَ ڪجهه هڪ وڏي ”خبيث چڪر“ جو ”حساب“ آهي جنهن ۾ سڄي جڪڙي وئي آهي. سگا سنڌ جي ماڻهن کي ان خبيث چڪر جي ”حساب مان ڪڍڻ جي ڪوشش ته ڪري رهي آهي پر سنڌ جي ماڻهن کي به سندن ٻانهن بيلي ٿيڻ جي ضرورت آهي.