0000-00-00
داخلا نمبر 1737
عنوان .... آمريڪا ”نفرت جي شيطان“ جي ڳالھہ ڪري ٿو!
شاخ سنڌ ڪيس
پڙهيو ويو 32767
داخلا جو حوالو:
هن داخلا جون تصويرون نه مليون
اشارو ڪري رهيا آهن. آمريڪي صدر ڪنھن ٻي ٻولي ۾ پيو ڳالهائي. آمريڪا اڄ بہ پاڪستان ۽ هندستان جي وچ ۾ سڀني معاملن تي ڳالهيون ڪرائڻ لاءِ تيار آهي، پر ڀارت تيار نہ آهي. آمريڪي صدر هاڻي چوي ٿو تہ ”پاڪستان ۽ هندستان وٽ ايٽمي هٿيار هئڻ ڪري اهو علائقو سڄي دنيا لاءِ خطرناڪ ترين ٿي ويو آهي. ٻنھي پاڙيسري ملڪن جي وچ ۾ نفرتن جو شيطان هڪ ڀيور ٻيھر ڪر کڻي رهيو آهي.... اسين بداعتمادي ۽ تشدد جو خاتمو چاهيون ٿا... آمريڪا ۽ پاڪستان جي وچ ۾ تمام ويجها لاڳاپا رهيا آهن... ٻنہي ملڪن افغانستان معاملي وقت روسي اڳرائيءَ دوران هڪ ٻئي جو ساٿ ڏنو هو.“
ان جي باوجود آمريڪي صدر پاڪستان کي عزت بخشڻ لاءِ تيار ڪو نہ آهي. محترمہ ڀٽو مسٽر ڪلنٽن سان ملاقات ڪري کيس زور ڀريو تہ هو پاڪستان مان پيرڙا ضرور گهمائي وڃي. محترمہ ساڻس عالمي صورتحال تي خيال ونڊيا ۽ مسٽر ڪلنٽن کي سمجهايو تہ سندس دورو سڄي علائقي جي امن لاءِ ڪيڏو نہ اهم آهي. محترمہ کيس ماضيءَ وارا واعدا بہ ياد ڏياريا. پر لڳي ٿو تہ مفاد بہ طوطي جي اکين وانگر ڦيريندا آهن. ڇا اسان کي ياد ناهي تہ افغانستان ۾ وڙهندڙ ”مجاهد“ ڪالھہ آمريڪا جي ”غير اعلانيہ فوج“ هئي ۽ هاڻي اعلانيہ دشمن؟
هن نئين صورتحال کي حڪومت پاڪستان ڪيئن ٿي ڏسي؟ جناب پرويز مشرف چوي ٿو” صدر ڪلنٽن پاڪستان جو دورو نہ ڪيو تہ پاڪستان ۽ ڀارت جي وچ ۾ موجوده ڇڪتاڻ اڃا بہ وڌي ويندي..... پاڪستان 50 سالن کان آمريڪا جو اتحادي آهي.... ڪلنٽن دورو نہ ڪيو تہ ڀارتي سمجندا تہ پاڪستان کي نظر انداز ڪيو ويو آهي ۽ اهي سرحدن تي ڇڪتاڻ وڌائي سگهن ٿا.“ جنرل صاحب ڪجھہ سخت بہ ڳالهائي ٿو ”پاڪستان کي عراق نہ سمجهو! جيڪڏهن ڪنھن بہ اسان جي خلاف ڪارروائي ڪئي تہ ان جو منھن ٽوڙ جواب ڏنو ويندو. اسان ڪشمير جي اسلامي تنظيمن جي جهاد جي حمايت ڪريون ٿا. اتي ٿيندڙ جهاد کي دهشتگردي چوڻ صحيح ناهي... ڪشميرين جون سياسي ۽ عسڪري تنظيمون پنھنجي جدوجهد تيز ڪن.“
ان هوندي بہ بل ڪلنٽن جي پاڪستان آمد امڪان کان خارج ڪو نہ آهي ۽ پاڪستان کي اڃا بہ اميد آهي تہ آمريڪي صدر پاڪستان اچي سگهي ٿو. ان وچ ۾ 6 فيبروري تي پاڪستان ۾ ڪشميرين سان يڪجهتيءَ جو ڏينھن ملهايو ويو. عام موڪل ڪئي وئي. دنيا کي ٻڌايو ويو تہ پاڪستان جو عوام ڪشميرين سان گڏ آهي ۽ پاڪستان سرڪار ڪشمير جي مسئلي تي بيحد سنجيده آهي. نتيجو ڇا نڪتو؟ حيدرآباد ۾ مسافرن سان ڀريل هڪ ريل ۾ بم ڦاٽو ۽ بيگناھہ شهري مارجي ويا. ڪشمير جنھن کي پاڪستان پنھنجي شھہ رڳ سمجهي ۽ هندستان اڻ ٽٽ انگ سمجهي ٿو.