ابڙو اڪيڊمي Abro Academy
2020-11-06
داخلا نمبر 1239
عنوان .... ڳالهه پهتي صدر پاڪستان تائين
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1400
داخلا جو حوالو:
هن داخلا جون تصويرون نه مليون
ورانگهي ايم ڪيو ايم جا مطالبا پورا ڪري؟ ڇا هو خوني ڪيسن ۾ گرفتار ڏوهاري ايئن ئي ڇڏي ڏيندو؟ ظاهر آهي ته ايئن ٿين جا امڪان ڪو نه آهن. ناجائز مطالبا ڪير ۽ ڇو قبول ڪندو؟ ته ڇا پوءِ ڳالهيون ناڪام ٿي وينديون؟
ايم ڪيو ايم جي تاريخ ٻڌائي ٿي ته اها ڪڏهن به ڳالهين تي ڪو نه آئي آهي. اها هڪ سطح کان ٻي سطح تي محض ”ڪيس“ اٿارڻ ۾ دلچسپي رکندي آئي آهي ۽ هر سطح تي ڪيس اٿارڻ کان اڳ ۾ هڪ وڏي دهشتگردي ڪندي آئي آهي ته جيئن ڳالهين ۾ دٻاءُ وجهي سگهي. صدر پاڪستان سان ڳالهين جي مرحلي تي به خدا خير ڪري! صدر لغاري سان ڳالهين جي مرحلي تي جيڪڏهن ايم ڪيو ايم واقعي ڪنهن ڳالهه تي اچي ٿي ته ان جي معنيٰ فقط هڪ هوندي، يعني خود ايم ڪيو ايم تي ڪن خاص پرڏيهي طاقتن جو دٻاءُ ته انهن (ملڪن) جو ڌنڌو ۽ مفاد ڪراچيءَ ۾ ٺپ نه ڪيو ۽ حڪومت سان ڳالهين ۾ ٺهي وڃو! پر، جيڪڏهن ايئن ٿو ٿئي ۽ ايم ڪيو ايم صدر پاڪستان سان ڳالهين کانپوءِ اهو موقف ظاهر ڪري ٿي ته صدر پاڪستان به ڌر آهي ۽ پوءِ ايئن ئي چئبو ته هڪ رسم پوري ڪئي وئي ۽ ايم ڪيو ايم پنهنجن ارادن تي قائم دائم آهي.