2020-11-06
داخلا نمبر 1306
عنوان 23. امـُـر ۽ انسان
شاخ پيهي منجهه پاڻ
پڙهيو ويو 1392
داخلا جو حوالو:
هن داخلا جون تصويرون نه مليون
ل“ جو ارادو بدلائي سگھجي ٿو؟
موت کي به ٽاري سگھجي ٿو.
ڇا سچ پچ اهو ممڪن آهي؟
بلڪل! دعا لاءِ کنيل هٿن ۽ سجدي ۾ پيل سر کي وڏي طاقت آهي.
عاشق جي عاجزي ۽ بي خودي سونهن کي عزيز آهي.
سونهن پنهنجي عاشق ڀڳت جو مانُ رکندي آهي ۽ ڀڳتن جا هٿ پير اکيون ۽ زبان امـُـر جا هٿ پير اکيون ۽ زبان ٿي پوندا آهن.
امـُـر پنهنجو ارادو بدلائي سگھي ٿو، دعا ۽ عاجزي ڪائناتي شعور جي مهربان صفتن کي جوش ۾ آڻين ٿيون.
اي درويش! جڏهن مون توکي دُعا لاءِ عرض ڪيو تڏهن تو چيو، ”آئون امـُـر کي بدلائڻ لاءِ دعا جو قائل ناهيان، ڇو ته امـُـر وٽان جيڪي ڪجهه آهي سا ’منشا‘ آهي ۽’منشا‘ ۾ تبديلي لاءِ دعا گھرڻ مناسب نه آهي.“
اي فقير! تنهنجي اها ڳالهه ته ڏاڍي عجيب آهي.
ڇا دعا امـُـر جي قانون کان ٻاهر آهي؟ ڇا دعا گھرڻ جو حڪم نه آهي؟ اها ڪهڙي ماءُ ۽ ڪهڙو پيءُ آهي جنهن دعا نه گھري آهي؟ ڪهڙو ولي، نبي ۽ پيغمبر آهي جنهن دعا نه گھري آهي؟
امـُــر پنهنجي جاءِ تي قائم آهي، پر عاشقن (ته ڇا ڪنهن به مخلوق ) جا عاجزيءَ ۾ دعا ۾ کنيل هٿ امـُـر کي تمام عزيز آهن.