0000-00-00
داخلا نمبر 1658
عنوان Water War- سنڌ سان آخري ملھہ جي ڌمڪي؟
شاخ سنڌ ڪيس
پڙهيو ويو 8692
داخلا جو حوالو:
هن داخلا جون تصويرون نه مليون
ان جو 90 سيڪڙو مٺو پاڻي آهي جيڪو (سمورن درياهن جي سڪي وڃڻ جي صورت ۾ بہ ٻہ سال استعمال ٿي سگهي ٿو)
ضرورت ان ڳالھہ جي هئي تہ حق ۽ انصاف جي ڳالھہ ڪري سنڌ کي زرعي ضرورتن لاءِ گهربل پاڻي ڏنو وڃي ها ۽ ان دوران پنجاب کي اخلاقي ۽ قانوني طرح مجبور ڪيو وڃي ها تہ اهي في الحال جر ۾ موجود پاڻي استعمال ڪن پر ايئن بہ ڪو نہ ڪيو ويو. اڃايل جي اڃ اتي جو اتي رهي پيٽ ڀرئي جو پيٽ ڀريو ئي ڪو نہ! آئون سمجهان ٿو تہ هن سال سنڌ ۾ پاڻيءَ جي هيءَ خوفناڪ کوٽ هروڀرو ڪو نہ ڪئي وئي آهي. ان کوٽ جي پويان هڪ وڏو ۽ خطرناڪ پلان آهي!
هڪ وڏي کوٽ پيدا ڪري، سنڌ جي زراعت کي وڏو ڌڪ هنيو ويو ۽ جتايو ويو تہ جيڪڏهن ڪالاباغ بند نہ ٺھيو تہ اهڙو بحران هر سال ٿيندو، اسان ڄاڻون ٿا تہ خود ڪالاباغ سنڌ لاءِ زرعي موت ثابت ٿيندو بالڪل ايئن جيئن اڄ منگلا ۽ تربيلا بند ۽ سمورا لنڪ ڪئنال سنڌ کي لنگهڻ تي مجبور ڪري رهيا آهن. هن سال سنڌ کي ڪيترو زرعي نقصان پھتو آهي؟ ان جو بہ سروي ٿيڻ گهرجي ۽ سڄو ڏنڊ ڏوھہ پنجاب جي سرڪار کان ڀرائڻ گهرجي. سنڌ ۾ في الحال تہ ننڍا فصل ۽ مڇين جا فارم تباھہ ٿيا آهن، ڇهن مهينن اندر خبر پئجي ويندي تہ سنڌ کي ٻيو ڪيترو زرعي نقصان پھتو.
سنڌ جي سمورين سياسي، معاشي، سماجي ۽ ايوان زراعت وغيره کي اهي سڀ معاملا مرڪز تائين پھچائڻ گهرجن. پنجاب جي درياهن کانپوءِ سنڌ ۽ سنڌوءَ جي الهندن جبلن تان ايندڙ ندين ۽ پاڻين ۾ بہ اک آهي. ان پاڻيءَ سان پنجاب جو اهو حڪمران طبقو جيڪو تونسه ۽ چشمه بئراجن کان رحيم يار خان تائين ويٺو آهي. (سرائيڪي ڳالهائيندڙ حڪمران طبقي جون زمينون فاروق لغاري، مزاري ۽ کر جون زمينون بہ ان ئي علائقي ۾ آهن). سو، گوهر ايوب محض ڳالھہ نہ ڪئي آهي. سنڌ ۽ پنجاب جي وچ ۾ اها Water War نہ رڳو جاري آهي پر امڪان آهي تہ حڪومت پنجاب ۽ اسلام آباد هاڻي چند سالن اندر ان جنگ کي عروج تي پھچائي سنڌ کي آخري شڪست ڏيڻ جو فيصلو ڪري ڇڏيو آهي.